Vietnaam

Mujhe yakeen he

Ki ab bhi tareekh ki adalat mein

waqt layega

Aaj ke bezameeroon-deeda-deleeri qaatil ko

Jiske damanoon-asteen

Khoon begunaahoon se tarbatar he

To nasl-e-adam

Vafoor-e-nafrat se roo-e-qatil pe thook degi

Magar mujhe iska bhi yakeen he

Ki kal ki tareekh

Nasl-e-aadmi se ye poochegi

"Ae muhzzabjahah ke makhlook "

Kal tere robaroo yahi bezameer katil

Tere qabeele ke begunahoo ko

Jab tah-teg kar raha tha

Tu tamashaioon ki soorat

Khamoosh va behis

Darindgi ke muzahiree me shareeq

Teri yah sab nafratein kahan thi

Bata ki is zulmkaish qaatil ki teghbarra mein

Aur teri maslehat ke teeroon mein

Farq kya he?

To soochta hoon

Ki hum sabhi kya jawab denge

-Ahmad Faraz